Туған өлке тарихы білгірлерінің «Туған жер»аудандық интеллектуалдық конкурсы
Конкурстың негізгі мақсаты - Қазақстанның мәдени-тарихи мұрасын сақтау және насихаттау мақсатында жастарды «Бес институционалдық реформаны жүзеге асыру жөніндегі 100 нақты қадам» Ұлт жоспарында ҚР Президенті Н.Ә.Назарбаев жүктеген міндеттерді, Президенттің «Қазақстанның үшінші жаңғыруы: жаһандық бәсекеге қабілеттілік» Жолдауының, Қазақстан Республикасында білім мен ғылымды дамытудың 2016-2019 жылдарға арналған мемлекеттік бағдарламасы және «Болашаққа бағдар: рухани жаңғыру» бағдарламасының негізгі бағыттарын орындауға көмектесетін шығармашылық жұмысқа тарту.
Бұл байқаудың міндеттері: ізгі, адамгершілік құндылықтарға бағдар алған тұлғаны қалыптастыру, туған елінің тарихын, мәдениетін зерттеуге қызығушылықты дамыту, қазақстандық патриотизмді тәрбиелеу және Қазақстан халықтарының мәдениеті мен салт-дәстүрлерін құрметтеуге баулу.
«КВН» интеллектуалдық ойын түрі төмендегідей 5 сайыстан өтті:
1 сайыс – Команданың «Визиттік карточкасы» (2-3 мин). Әр мектептің командасы сәлемдесуді орындап, конкурс тақырыбына сәйкес келетін атауын, ұраны мен эмблемасын таныстырды.
2 сайыс – «Халықтар, ұрпақтар сабақтастығы»: Қазақстан халықтарының салт-дәстүрлері (сұрақ-жауап).
3 сайыс – «Мәңгілік Ел» бейнероликтер байқауы;
4 сайыс – «Ел рәміздері»: ҚР-ның мемлекеттік рәміздері;
5 сайыс – «Мемлекеттің негізгі заңы»
Әр команда конкурс тақырыбына сәйкес ойластырылған шығармашылық нөмір (би немесе ән) көрсетті. Оған қойылған баға команданың жалпы ұпай санына қосылды.
Байқау нәтижесі бойынша:
І орынды №146 мектеп-лицейдің оқушыларының командасы иеленді;
ІI орынды: №51 мектеп-гимназия оқушыларының командасы, №68 мектеп-гимназия оқушыларының командасы, М.Базарбаев атындағы №138 гимназия оқушыларының командасы жеңіп алды;
ІII орынды: №40 жалпы білім беретін мектеп оқушыларының командасы, №60 гимназияның 2-ші командасы, Махатма Ганди атындағы №92 мамандандырылған лицейдің командасы жеңіп алды.
Осы аудандық байқаудың қорытындысы бойынша белсене қатысқан, №23 мектеп-гимназияның командасына, №60 гимназияның (1тобына), № 63 жалпы білім беретін мектептің командасына, №65 жалпы білім беретін мектептің командасына, №81 мектеп-гимназияның командасына, №94 мектеп-гимназияның командасына, О.Жандосов атындағы №105 гимназияның командасына, № 125 жалпы білім беретін мектептің командасына, №145 жалпы білім беретін мектептің командасына, №165 мамандандырылған лицейдің командасы, №189 жалпы білім беретін мектептің командасына Бостандық аудандық білім бөлімінің алғыс хаттарымен грамоталары табыс етілді.
